lunes, 28 de julio de 2008

San Antoniño do Pousadoiro

A estrada que comunica Vilagarcía de Arousa e Caldas polo alto do Pousadoiro está a requerir unha obra de millora a fondo, xa que actualmente é un tramo con alta siniestralidade. Semella que hai algúns compromisos adquiridos, pero coma sempre, é pena que teñan que ocurrir desgrazas para que se poñan a arranxar as cousas.


A estrada vella era unha estrada enchida de curvas, con algúns tramos adoquinados. O seu trazado segue a vía natural de paso entre Vilagarcía e o val do Umia. Á subida é acusada ate chegar ó cordal onde se atopa o Castro da Xaiba ou Gaiba, para despoís descender. É a formación xeográfica que coñecemos co nome de "portela". Neste rechán era onde se tomaban folgos na subida antes de iniciar o descenso. De ahí posiblemente o nome de Pousadoiro.


Neste lugar se atopaba un pazo ou casa cunha capela dedicada a San Antoniño, na parroquia de Cea.


Aquí vos deixo un par de fotos aproximadamente dos anos 50. Os edificios que vedes se atópan agora nunha "illa" no medio do polígono industrial. Todas agás o cruceiro, que non sei onde foi dar.


Contaba meu pai que as curvas que baixaban a Caldas eran coñecidas co nome de curvas de Matamulleres, aínda que non conseguí nunca saber de onde viña este topónimo.



Tamén referido a este lugar había este cantar:



O pino do Pousadoiro, ten a folla revirada,

que lla revirou o vento, unha mañán de xiada...

Fotografías de Carlos Comendador Peña.

1 comentario:

JESÚS REY dijo...

Interesante.

Resulta que este Pazo perteneció a mi familia y lo estoy estudiando, los datos que tengo es que pertenecio a mi antepasado Don José Manuel Lorenzo y Gándara que casó en 1775 con Doña María de Araujo Prego y Romero(del Pazo de San Salvador de Sobradelo)los padres de Don José Manuel eran Don Manuel Lorenzo y Alfonsin y Doña Josefa de la Gándara y Lemos.

El Pazo siguió en la familia varias generaciones más, pero no se aun exactamente quien lo vendió, pero debio de ser entorno a 1900.